මගේ ආදරේ එයාට කියපු හැටි..

මේ විදියට නම් කවුරුත් ආදරේ කියලා නැතුව ඇති. මම කෙටියෙන් කියන්නම්කෝ. මම 11 වසරේ ඉදලාම මගේ පැංචි ගැන ඉහටත් උඩින් බලාපොරොත්තු තියාගෙන හිටියේ. හිත ගිය තැන මාලිගාව කියනවනේ. ඒත් කියන්න බයයි.. අපේ යාළුකම තියාගෙන හරි ඉන්න මං හරි ආසාවෙන් හිටියේ. එයා ලග ඉන්න මං හරි ආසයි. 11 පංතියෙදි වැඩ කරනකොට එහෙම අපි එකට වැඩ කරනවා. මං සමහර වෙලාවට කෝල් දීලා එයා හෙලෝ කිව්වම කට් කරනවා. එයාගෙ කටහඩ අහන්නත් හරි ආසයි. ඒත් කෝල් කරාම ගොළු වෙනවනේ. අපි දෙන්නා ගොඩක් හොද යාළුවෝ වෙලා හිටියේ. එයා කාටවත්ම යාළුවෙක්ට් Birthday Card එහෙම දීලා නෑ.. ඒත් එයා මට දුන්නා. මට ඉගිලෙන්න හිතුනා. කදුලු පිරුනා ඇස් වලට. අනේ මේ ආදරේ කියන්නේ කොහොමද කියලා හිතුනා.....

ඔහොම ඉන්නකොට O/L ලං වුනා.. ඒකත් කරා කියමුකෝ. ඊට පස්සේ මාස 4ක්ම Result එනකම් ගෙදරට වෙලා ඉන්න වෙනවනේ. ඒත් දෙයියනේ එයාව නොදැක ඉන්නේ කොහොමද දෙයියනේ. ඉතින් විනාඩියක විතර කෝල් එකක් තමයි. අනේ මේ දුක කාට කියන්නද? දැන් ගෙදර ඉන්නකොට Course වලට එහෙම යනවනේ. මං එයාගෙන් ඇහුවා පංතියකට එහෙම යන්නේ නැද්ද කියලා. එයා කිව්වා Computer Course එකකට යමු කියලා. මං ඉතින් පැනගෙන ගියා. අපි දෙන්න එකට ගියා, එකට ආවා, එකට බස් එකේ ආවා.... අම්මා සතුට... වැඩේ කියන්නේ එයාට පංතිය හරි නෑලුනේ.. මට නම් ඉතින් හරි නැති උනත් මොකද. ඒත් ඉතිං එයා එන්නේ නෑනේ. මොනා කරන්නද දුක තමයි. මං ඉංග්‍රීසි පංතියකටත් ගියා. මං එයාට එන්න කිව්වට එයා ආවේ නෑනේ.

ඔහොම ඒ මාස 4ත් ගෙවිලා ගියා. Result ආවා. අපි මේ දවස් වල ස්කෝලෙට ඇප්ලිකේශන් දානවා. දැන් දාලා ගෙදර ආවා. ඉන්නකොට YFM අහගෙන හිටියා. යවන්න හිතුනා එකට SMS එකක්.

Type කරේ මෙන්න මෙහෙමයි. "mama shan my dream girl varu lassana sinduwakata ekatu karaganna" කියලා.

දවසකුත් මෙහෙම යවලා තියෙනවා. එදත් කියෙව්වා.. ඉතිං අදත් යවන්න හිතුනා. දන්නවනේ Sony Ericsson වල SMS යවන ක්‍රමේ.. Recent Numbers තමයි උඩින්ම තියෙන්නේ. උඩින්ම තිබුනේ කෙල්ලගේ නම්බර් එක. මලා SMS එක SEND වුනේ එයාට.. මාව දැන් ගැහෙනවා...එයා කෝල් කරා. අම්මෝ Answer කරන්න නම් බෑ. මං ගෙදර ෆෝන් එකයි මගේ ෆෝන් එකයි Off කරලා හිටියා. සෑහෙන දවසක් ඔහොම හිටියා... ආපහු On කරා. එයා කෝල් කරා ආපහු. SMS එක ගැන ඇහුවා. හැබැයි කෙල්ල ඇහුවේ එච්චර අවුලකින් නෙමෙයි කියලා නම් තේරුනා. ඉතින් මාර Happy.

දැන් ඉතින් අපි ස්කෝලේ යනවා.. මට ඉතිං හිතුන ඉවසුවා දැන් ඇති කියලා. මං ඇහුවා. හරියටම, 2008-07-02. එයා එක පාරටම උත්තරයක් දුන්නේ නම් නෑ. ඒත් මට හොදටම තේරුනා ඒ කෙල්ල මට ආදරෙයි කියලා. 2008-10-14 එයා මට කිව්වා ආදරෙයි කියලා. ඉගිලෙන්න හිතුනා... යේ.... එදා ඉදන් අපි හරි ආදරෙන් ඉන්නවා.. හිතාගන්නවත් බැරි තරම් දැන් අපි ලංවෙලා... මේ කෙල්ල මගේ A/L ජිව්තේදී උදවු කරපු තරම් මගේ A/L ජීවිතේ පෝස්ට් එකෙන් බලගන්න පුළුවන්.

කොහොම වුනත් අර SMS එක නැත්නම් අද අපි මෙතන නෑ.